14. R.L. KAMLALA LEH A HLATE R.L. Thanmawia

40. H.LALRINGA  LEH  A  HLATE                                                                                              R.Lallianzuala

H.Lalringa hi 5 April 1928-ah a piang a, a pa Suakthuama, a nu Saithangpuii, Lunglei rahsi Veng ami an ni. Kum 1946-a Lungleia High School din a nih khan 1955 thleng Zirtirtu a ni ve a, 1950-ah Matric a passed a, zirtirtu a nih hnu hian Lunglei-a S.D.O. (Civil) Office-ah a thih thlengin hna a thawk. 1952-ah Aizawl Mission Veng Biak inah Rev.Liangkhaiah kutah (Pi) Thanmawii nen an innei a, fa pakhat Lalthangpuii chauh an nei hman.           

H.Lalringa leh mi dang dang thlanmuala lo mu tawhte sulhnu leh an kutchhuakte dapa April 8-11, 1988 a ka thawhpui duh tak Pu B.Lalthangliana nena Lungleia kan kal tumin Pu H.Lalzawta (H.Lalringa nau) kut atangin a hlate amah H.Lalringa ngeiin a ziakna bu hnih kan hmu thei hlauh mai a, a lawmawm tak zet a ani.    

Chung hla kutziak bu hniha a lan dan chuan H.Lalringa hian hla 30 a phuah emaw chauhvin a lang a. Heng bak hi la hriat belh theih awm tak maw. A hmasa lam sawmhnih (20) te chu a phuah ni leh a phuahna khua chiang takin a ziak lang zel a. A kutziak dan tak chuan Lunglei hi ‘Lungleh’ a ti zel. Hla tam berah a signature (H.Lalringa) a lang zel bawk a, tlem te-ah chuan ‘Chultheilovi Pa’ tiin a inziak thin bawk.    

Ama kutziak bu-a chuang H.Lalringa hla phuah ni te chu a hnuaia mi ang hi a ni a, No. 6-na ‘Chhawkhlei Par’ hi THENZAWL-a a phuah a ni a, a dang zawng 1-20 hi chu Lunglei-a a phuah vek tih an lang chiang.

S/No   Hla Tlar Bul                                                  Phuah Ni leh Kum

1.         Ka dawnin thinlai ai ang I cham               January 14,1953                                           (AW CHULTHEIDAWNLO)

2.         Mahten Awmkhawhar lunglen ka            March 20, 1953                                            dawn changin (CHATUANTAWII)

3.         Suihlunglen mahte’n ka tuar thiam lo     November 25, ’53                                         (THA PAWNFENFUALI)

4.         Thalfavang tlai ni tla sensiar hi                 July 13, 1953                                                 (KHUAVANGI)                                                                                                                                (He hla hi Aizawl-a a phuah ani. Rllz)

5.         Hmanah hmel hriat ngai loh valan           October 12, 1953                                          (SAKHMINGTHANGI)

6.         Zo bawm thing tin par vul chhing                         September 15, ’53                                        chheng                                                                                                                       (CHHAWKHLEI PAR)

7.         Tawn loh chhumpui zing dar ang ka                    February 12, 1954                            tawng ta                                                                                                                                 (NUN HLUN THING A VUAN TA E)

8.         Awmkhawhar mahriakten ka dawn                     February 17, 1954                             ngam nem maw                                                                                                                   (DINTHARLENGI) 

9.         Han dawn vel ila suihlungrukah                           March 20, 1954                                (THANGHNIANGI)

10.       Thinlai a zing ka hril bang thei                             July 19,1953                                      dawn lo                                                                                                                                  (CHHAWRPIAL RUN NUAM)

11.       Zantlai nemah mahte’n ka dawn thin                  March 20, 1954                                (MANGTHA MUTTUI LE)

12.       LEITLANGPUI a chul dawn lo                              April 10, 1954

13.       Hmanah lungrual tea lengin                                  June 21, 1954                                                (ENCHIMLOH THA C.L.I’n)

14.       Remna Lal lo pian hun lawmin                             December 16,1954                           (I FAK ANG LAL THAR CHU)

15.       Zantina kan chawi lai Leitlangpui                        July 12, 1954                                     (LEITLANGPUI MAWITU TLEITIRTE)

16.       Thalfavang tlaitla engah                                         December 16, 1954                          (THA P.F.F. (Mary Dear))

17.       Mahriakten ar ang a lo vai                                     November 19,1954                           (THA SANGZUALI)

18.       Hmangaihna hi khawvel mi dan                           November 29,1954                           (HMANGAIHNA)

19.       Ka zuk thlir raltiang ram ka di lenna                   January 15,1955                               (SANGPUII)

20.      Ka hril bang thei dawn nem maw kan                 March 25, 1955                                 Chhimkhawpui (LEITLANGPUI PAR                                                                              ANG VUL ZEL ANG CHE)

            Heng bakah hian H.Lalringa kutziak hla bu-a chuang, mahse phuah ni lang lo leh hming pawh a ‘sign’ hnan loh hla kan la hmu thei a, chungte chu-

21.       Lenrual lungduh sam ang thenna                                                                                    (HRIATRENGNA LUNG I PHUN DUN ANG)

22.       Awmkhua a har ngei vawiin chuan                                                                                  (KA BEL ZORAMTHANGPUI)

23.       Aw, ka awmkhua a va har em ve!                                                                                      (VULMAWI THANGHNIANGI)

24.       LENNA VANGKHUA TLANG A DANG HI                                                                      (S.S.S. No. 187 thluka sak theih)

25.       Chhaktiangah turnipui a lo eng kawlah (ZOLEMI)

26.       Thalfavang lenkawl a lo eng e                                                                                           (MAHSE MI TAWNAH PAR ANG I VUL TA SI)

27.       Lenrual lungduh hei zawng zingah hian

28.      Luaithli nul chung zelin

29.       Kan hnam kan ram timawitute

30.      Hmanah khan khawnge maw I awm?                                                                              (SAKHMINGAH THA DEDII)

            H.Lalringa hla phuahte hi hetiang hian an thupui atangin lo then leh ta ila.

            1. Lengzem hla

            2. Hla lenglawng

            3. Khawhar hla

            4. Krismas Hla

            Krismas hla hi lo thlir hmasa ber ila.

Mizo hla phuah thiamte hi Krismas hla pakhat tal phuah lo chu an awm meuh lo. Hei hian ‘Krismas’ hrim hrimin kan hnam rilru leh nun suk thlek a nghawng nasatzia leh, Mizote hla ngaina mi tak kan ni tih a lantir thei awm e. H.Lalringa ‘Krismas Hla’ phuah hian mi tinte Lal thar, Remna Lal lo piang fak turin a sawm a ni. Krismas hla pakhat chauh hi H.Lalringan Pathian hla a phuah a ni a. Lengzem hla tea Mizo hla thu mawi thiam taka a hman ang chi hi chu he hlaah hi chuan kan hmu lova, Lal thar piang fakna hmanrua atana ‘Lemlawi’ leh ‘Tingtang’ a han chham tel hi Pu Vankhama phuah ‘Kum sul lo vei puan ang lo thar leh ta’ ami a chhawm ni tak maw. He hla chang thumna tlar hmasa pahnih erawh hi chuan hlaphuahthiam Pu Thandanga tan kawng a lo sat a tih theih bawk awm e.

            Khawhar hla tia kan han vuah tak mai, kan hla List-a No. 7-na NUN HLUN THING A VUAN TA E tih hi Zairemmawii puala H.Lalringa phuah a ni a, he hla hi lusun hla, khawhar hla a ni takmeuh va, a hla pum thuken laimu leh chang tina a hla thu hmante han bih chianin hla ngui, mitthi sunna hla a ni tih kan hre thei awm e. Lusunna hla ang ngau ngauva lak chuan he hla chang hi sawisel tur a vang hle mai. A thu hman a ‘Hla thu’ a tha tawk a, a sawifiahna thu thlan a ‘Mizo’ tha em em bawk a. A hmawr a bawkna erawh hi chuan tawi te siin a hmaa lungngaihna chhum hnuaia pik taka kan tuar tlawk tlawk tur chu ngai ngam lovin inhnemna thu tawi te ‘Nun hlun thing’ hmanruaa hmangin thlamuanna thuchahin he hla hi a khar ta a ni.                                                                                                                                                   Chutianga Zofate hla mawi tak leh sak tur tha tak taka lo chawmtu tangkai tak chu a vanglai hun a hman chhoh mek laiin kum 30 mi lekin (ama tawngkam ngei han hawh ve ila) ‘kir zai rel lovin, hringlang tlang liama, hawilopar thliaka lungloh tui nen, nun hlun thing vuan turin rihsang mual min liam san’ ta a ni. Hetiang hian Lunglei Rahsi veng thlanmual tawntirh tea a thlan zahawm takah chuan a inziak a.

                                    In Fond and Ever Loving Memory                                                                                                                       of                                                                                                                                      H.Lalringa

5^th April 1928 ah a piang a, A chatuan ram a chawl tur                                     in a chhungte chu khawhar takin 8^th August 1958 ni in                                                           A Lalpa chuan a lo hruai hmasa ta.                                                                                                                                 

                                                Erected by                                                                                                                 His loved Ones

“A light is from our househlod gone, A voice we loved                                    is stilled A place vacant in our hearts That never can be                                              filled”.                                                                                                                                    “Safe in the Arms of Jesus”

Tiin.

            Pu. H.Lalringa hi kan zingah a taksa awm tawh lo mahse, ‘A zo bawmtu Chhawkhlei’ te hi kan thinlungah a la par chhing chheng a. ‘Aw ka ngai em che Chatuantawii’ tih te, ‘Tuar I har lenmawi tha Pawnfenfual’ tih leh ‘Sangpui ka ti che koh duat nan’ tih te hi kan la bang chuang lo.

            Awmkhua a har ngei vawiin chuan,                                                                                            Ka tawng lo min hnemtu;                                                                                     

Titu tan pawh –

            Hram thiam va leng dawntuai Tleitiri,                                                                           Awmkhua har min hnemtu,                                                                                                          Luaithli nul puan ang ti bangtu,                                                                                      ka bel Zoramthangpui.

Tiin inhnemna duhawm tak min siamsak bawk a. A hla phuah hmasak bera a tarlan ang hian amah H.Lalringa leh a hla phuah hi thangtharte thinlungah “Aw, Chul thei dawn lo” tih tur an ni ngei ang.